Thupatna:
Sizangte atu ngam thak ahi USA ah kum 1980 kiim in innkuan khat, innkuan ni khong ii
om na pan, ngam tatuam mun tatuam pan ki peam tato a, kum 2016 ciang USA
ngambup ah Sizang mimal 800 bang kipeam zo hi. Tua sungah Washington D.C.
khuapi kiim teng ah 85% bang ki teang a, 25% sia State tatuam ah ki teang hi.

Sizang Burmese Mission Church hong piankhiatna:
Kum 2000 kiim teng pan kipan Washington D.C. kiim ah atheng, apeam masa Sizang
u le naute nah Sizang Christian Fellowship le Sizang Christian Community ci kipawlna
mite taw, nipi 2 khat vei ki kaikhawm in, Pathian biakpiakna [fellowship] hong nei tato
uh hi. Saturday, April 18th, 2004 ciang in Sizang Christian Community, USA pan Sizang
Community of USA [Sizang Innkuan, USA]* in ki lai to in, fellowship sia ki zom to
suak hi.
Saturday, January 8th, 2006 ni Sizang Innkuan, USA Business Meeting ciang, Washington
D.C kiim om Sizang u le nau teng kipawlna tatuam taw ih kalsuan to vadiam sia
kum 5, kum 6 bang hong pha to zo hi ciang, pawlpi [Church] khat in din tu khensatna ki
nei hi.

Sizang Church Acting Committee:
Saturday, January 28th, 2006 ni ciang Sizang Pawlpi hong pian theina tu avaihawm tu
in, Sizang Church Acting Committee athak ki se kik a, anuai abang ahi hi.
1. Pa Khai Khan Lian,
2. Pa Khai Khan Dal,
3. Pa Tual Kim,
4. Mr. Mang Khawm Pau,
5. Mr. Zam Mun Mang, le
6. Mr. Tual Mung teng ahi hi.

Sizang Church Acting Committee te nah January – February, 2006 tha sung teng, Sizang
u le nau inn sim ah hong haw kakuai in, thu kikup puina hong nei uh hi. Pawlpi
min tu, pawlpi ii ngimna le sawmna te pan kipan, thubul lettu te hong ngeal tato uh hi.
Saturday, April 22nd, 2006 ciang taangpi kikhopna hong nei pui uh a, tua nitak in Sizang
Independent Church min taw pawlpi kiphuan hi.

Member masa phit bel teng:
Pawlpi phuat zawk ciang, Topa le pawlpi tungah full commitment a pia masa tu ki
kaikhawm a, a nuai abang ahi hi.
1. Ngocinthawng Suantak
2. Cin Thian Pau
3. Mang Khawm Pau
4. Khai Cin Pau
5. Ngo Thian Pau
6. Kyin Do Cope
7. Zam Mun Mang
8. Vum Zakam Suanh
9. Pi Pi
10. Pau Do Cin
11. Thang Khaw Huai
12. Ivana Cing Thian
13. Tual Mung
14. Tual Kim
[ A tung a, min sayian teng sia, taangpi meeting ah hong paiteng sungpan akidong
masa ahi hi.]

Sizang Independent Church Executive Committee:
Tua nitak ma in, Sizang Independent Church Executive Committee tu anuai abang mipi
nah tealna ki nei suak hi.
1. Chairman: Pa Khai Cin Pau
2. Vice Chairman: Tg. Kyin Doe Cope*
3. Secretary: Pa Tual Kim
4. Joint Secretary: Tg. Mang Khawm Pau
5. Treasurer: Pa Cin Thian Pau
6. Auditor: Pa Ngo Thian Pau*
7. Member:
A. Pa Ngocinthawng Suantak
B. Tg. Zam Mun Mang
C. Tg. Vum Zakam Suanh
D. Pau Do Cin
E. Tg. Pi Pi
F. Pi Thang Khaw Huai
G. Nu Ivana Cing Thian
8. Music Director: Tg. Tual Mung *
[* thu tatuam taw pawlpi sungah atawntung hong kihel zo ngawl hi.]

Pawlpi ii Laithiangtho bulphu sia Jesu in, “ Keima in lampi ka hi hi, thumaan
thutak ka hi hi, nuntakna ka hi hi; kei taw ngawl in kuama in Pa kung a theng batu hi.”
John 14:6 ahi hi.

Pawlpi ii ngimna le sawmna sia anuai abang ahi hi.
1. MD, VA, DC, PA, WA kiim ah ateang Sizang mite, kilawm khat in, Sizang pau taw
Topa Pathian biak khop thei natu le Pathian na azaizaw in khut ki len khawm a, sep
khop thei na tu.
2. Sizang mi om teng ki itna khang in, khuangai ni khuangai khawm, lungdam ni lungdam
khawm in, Pathian thu sung, Sizang ngeina taw ii nunat khop thei na tu.
3. US pan hong khang tu, Sizang khangthak te mailam sang Pathian thu sungah
nungta in, Sizang ngeina te le Sizang pau hong zak kiim thei na tu.
4. Thu um ngawl lai mite sungah Lungdamna thu (Gospel) thangsak in, Pathian thu
sung kalsuan pui zawkza kalsuan pui thei na tu ahi hi.

Biakpiak kikhop masak na:
Sizang Independent Church min taw Pathian biakpiak kikhopna amasabel sia Sunday, May 7th, 2006 ni-in, Pa Ngocinthawng Suantak inn, Riverdale, Maryland ah ki nei hi.

Tha thum tha li zawk ciang Pa Khai Cin Pau inn, Frederick, Maryland ah 2006 kum bo
dong ki nei hi.

Pastor masa phit bel:
October 2006 ciang in Pawlpi keam tu in Rev. Dr. James P. Singzakhai ki paupui a,
Pathian le minam hong itna taw ama nasepte tawlnga in, part-time pastor in hong kipia
khia hi.

Pawlpi min laina:
Pathian biakpiakna tu biakbuu akizon ciang le USA kumpi tungah teptena ii nga na tu
in, “Independent” min sia hong kizang thei non ngawl ahiman in, Sizang Burmese Mission
Church ci min ki lai to hi. Tua min taw , May 22nd, 2007 ni-in USA kumpi tungpan
teptena (non profit organization-registered) ki nga hi.

Kizop pui kipawlna tatuamte:
Sizang Burmese Mission Church sia Non-Denominational pawlpi ahi hi. Ahihang Association
lian khat papo nuai ah om tu hong suak ahikom, tuni in SBMC sia Maryland/
Delaware Baptist Convention taw kizom in Montgomery Baptist Association sung Pawlpi
khang mama khat hi ci-in, tepte na ki nga ahi hi.

Biakinn nga na:
2007 kum thak nipi masabel ni ahi Sunday, January 7th, 2007 ni pan kipan in, Sizang
Burmese Misson Church min taw in Montgomery Baptist Association E & M te nah
panpui a, , Seven Lock Baptist Church, 11845 Seven Locks Road, Potomac, Maryland
20854-3340 ah Pathian biakpiakna tuni dong ki nei hi.

Pastor hong seam ngei teng:
Pawlpi kipat pan tuni dong Pastor hong seam ngei theampo sia anaui abang ki ciamte
hi.
1. November 2006 – June 2008 : Rev. Dr. James P. Singzakhai ( Senior Pastor)
2. January – February 2009 : Dr. Thuam Cin Khai (Visiting Pastor)
3. August 2009 – Present : Rev. Cin Do Thawng ( Senior Pastor)
4. March 2010 – Present : Rev. Dr. G. Cin Za Mang ( Associate Pastor)

MINISTRIES TATUAM TE:

SBMC Media Ministry:
SBMC Media Ministry sia SBMC taw apiangkhawm ministry khat hi a, nipi ni sim sermon
tatuam, bible study lesson tatuamte online ah ahunzui in ki koi tawntung hi. Tuni
ciang dong website tungah sermon 200 val ki koi zo a, sermon tam koi bel website
sungah khat a akihel ih hi hi. Tua zawk ciang CD/DVD te taw zong ahithei zazak lungdamna
thute ki tangko hi. August, 2016 ta ciang online ah sermon 580 ki koi zo hi.

Youth Ministry:
Pawlpi sungah Pathian zawk ciang ii thahatna zungpi ahi Youth Ministry sia Saturday,
January 13th, 2008 ni Riverdale Innpi (Pa Ngocinthawng Suantak’ Inn) ah ki phuan khia hi. Youth Ministry hong om zawk ciang zanvakna te amate nah hong lampui uh
hi. “Topa kei hong zang tan” CD sia khangnote ii amasa phit bel, CD series hi a, December
2009 tha in hong thuk uh hi. Kum 2010 ciang Youth Ministry nah vision le mission
te hong khan to a, nipi 2 khat vei church choir sinna le fellowshiop vawtna te
ahizong, summer sungah excursion paina, Sight & Sound etna le gospel trips painate
zong hong nei tato uh hi. 2012 pan tha ii nipi thum na sim in Youth Service biakinn ah
kinei hi. Ahun zui in Youth fund zonnate zong hong nei uh hi. Mission nasep na tatuam
zong kinei aa tulai tak Lai Thiangtho tu kum 2015 sangka thum ki support hi. 2011 pan
kipan in Summer sung Youth Camp kinei tawn tung aa tua tung tawn in ngupna nga mi
zong kibelap aa tha sungah no sua na tampi hong piang hi. Youth Ministry pan panpui
ngei teng anuai abang ahi hi.
1. Sm Cing Khawm Dim M.Div (2011)
2. Sm Cingh Pau M. Th ( 2013-2015
3. Sm Dim Neam Huai, Sm Cing Lam Kam, Sm Dim Khan Cing (2015)

Women Ministry:
SBMC ii Women Ministry sia Saturday, January 19th, 2008 ni Riverdale Innpi ah ki phuan hi.
Ngam tatuam pan hong theng thak u le naute ki tangsap niin le puante pan kipan inn sung, inn
pua zak van tatuamte huu na hong nei uh hi. Pawlpi sungah numei sang taw akisai thu le la
theampo hong van uh a, baby shower khong om ciang, amate nah hong van siat uh hi. Kum
2010 ciang mission hong khan uh a, kawlngam ah sangka sangpatang pawl khat panpuina
hong nei uh hi. 2012 pan ki pan in Women Seminar zong kum sim kivawt hi. WM pan pan pan
pui ngei teng anuai abang ahi hi.
1. Kap Cin Than, Medical Student ( 2009– Present)
2. KIIM Ministries ( 2012-2015)
3. Sm Zamnu (2014– Presents)
4. Galilee Blind School (2015)
5. Orphanage Yangon 2015

Praise and Worship Ministry:
Pawlpi kipatpan kipan P & W Ministry zong akinei hi pai hi. Nipi ni biakpiakna theampo le mun
tatuam, hun tatuam ah biakpiakna om na theampo amate nah P & W hong lampui uh hi.
“Pokna le Biakpiakna Late” labuupui sia November 2008 ni hong thuk uh a, pawlpi sung le kiim
le veang teng ah akizang mama labuupui khat hong suak hi.

Church School Ministry:
Kum 2007 lai Home Church School sia Pa Khai Cin Pau (Frederick) inn ah nipi ni zingsang sim
ki nei hi. 7 Locks Road ah biakbuu ii ngazawk ciang, biakinn ah ki zom suak hi. January 2010
nipi masa pan kipan Church School phatak kikhan to a, Primary, Beginners Class, Junior le
Senior Class ci-in level 4 ki khen hi. Tuciang, Church School sangpatang 80 val bang nah, nipi
ni sim Topa kammal thu thukte sinna hong nei thei zo uh hi. Summer sung in Zolai hilhna le
Children Camp zong kinei pui hi.

Men Fellowship:
Pawlpi sung khanto na taw kizui in Pasal pawl te kipawl khopna zong January 13, 2012 in in
kiphua khia hi. Pasal pawl te kipawl khawm in pawlpi sung nasep na ah tha hat saseam natu
vaimuak ahi zong, security ahi zong, lungdam vawt ni te ah anneak tuidawn tu ahi zong kivai
hawm hi. Bek dom ngawl in Mission nasepna zong kinei aa Rev Joseph Kap Cin Dal kipan pui
hi.

Social Ministry:
Pawlpi sungah ministries tatuam ii nei te sungpan Social Ministry sia athupi mama khat ahi hi.
Hi ministry sia full time Pastor ii nei pan kipan akinei hi a, Topa zong nah thupha hong piaksak
ministry khat ahi hi. Ngam tatuam, State tatuam pan hong thengthakte akitang sap theampo ki
vai hawm sak a, zum paina, zato lakna pan kipan, huu tu akisapna theampo ah panpuina ki pia
hi. Nipi ni pawlpi van (mini bus) taw biakinn kipaipui a, akuamapo nuam mama ki sa hi.

Home Visit and Prayer Ministry:
Home visit sia pawlpi keam Syate bek hi ngawl in, ahunzui in pawlpi upa sungpan hi zong,
khangno le Nupi sungpan hi zong ahuun zui a, ki vak kakuai in thungetna ki nei hi.
Pawlpi thunget na sia nipi nih khat vei, tha ii Second le Last Saturday nisim kinei hi. Hi antan
thungetna pan leitung theampo aom u le nau theampo le ii ngam ii lei atu, nasia tatak in thu
hong ki nget sak tawntung hi.

Home Cell Ministry:
Pathian nah pawlpi atu visionte ahun zui in hong piakna taw ki zui Home Cell Ministry sia May
14th, 2010 pan kipan veang 3 [Zion Veang (Frederick, Hagerstown) Canaan Veang
(Riverdale, Geenbelth, Belthsville le Laurel, Jerusalem Veang( Columbia, Ellicott City] ah Friday
nitak sim ki nei hi. 2014 pan in Shalom veang hong kibelap aa Baltimore sung teng in Saturday
nitak sim kinei hi. Canaan home cell pan ahun zui in haksa te panpui na le hong theng
thak te vaimua na tatuam kinei hi. Home Cell min taw in mission nasep na zong kinei hi. Nang
ma taw akinai bel home cell ah nong kihel natu zong kong paa uh hi.

Zion Home Cell : Rev Kyaw Kyaw ( Yangon) le Rev Pau Khan Cin Nang ( Yangon)
Shalom Home Cell: Sya Dal Za Cin le Sm Daw Mah Nwet

Mission Nasepna Te:
SBMC pawlpi sia Thamangthang mat tu abulphu pawlpi ih hi bang ma, Mission nasep tu a
thupi bel in ki ngai sun hi. Pathian ii vision hong piakna dungzui pawlpi in kum 2010 pan kipan
sumpi nga vekpi ii 25% sia mission nasepna zak tu kikhen sat a, mission nasepnate kikhan hi.
Mission nasepna sia 1. Inland Mission Field le 2. Foreign Mission Field ci’n nam 2 in kikhen hi.
Inland Mission Field sungah MBA le BCM/D zawk ciang, Missionary 2 kinei a, #001 Rev. Dr.
James P. Singzakhai, le #002 Dr. JM Paupu te ahi hi.
Foreign Mission Field sia mun 10 kinei a, anuai abang ahi hi.
FMF #001 All Nation Theological Seminary [ANTS],
FMF #002. Siyin Region Baptist Association [SRBA]
FMF #003. Rehab Center, Myitkyina, Kachin State teng ahi hi.
FMF # 004. Thuklai AG Section
FMF # 005 Galilee Blind School, Thingunau, Kalaymyo (Sya Mungpu)
FMF # 006 Myanmar Mission Christian Church, Yangon
FMF # 007 Orphanage Yangon, (Sya Vumpui)
FMF #008 Orphanage Tahan ( Sm Khai Cingh)
FMF #009 New Heaven Baptist Chruch, Yangon
FMF #010 Rakhin Mission, Rev Dr Peter Thein Nyunt
Laithiangtho sang kaa hahsatna aneite ahi zong, Pa Thiang Khua Lian ii Prison Ministry ahi
zong ahun zui in kum sim in SBMC pan huuna kipia hi.

Panmun Len te Vaipuak (Duties and Responsibilities)
Pawlpi sung Tha thu le leitung thu ah khanto natu Pastor te taw kop in mapan aa , Pathian
nasep na sungah ki kalsuan khawm hi. EC Term sia kum 2 sung ahi hi.
[Anuai ateng sia phawk pak teng hi a, kikum tato, kibelap tato lai tu hi. Eima pawlpi ii kalsuan
dan anuambel tu sia taw, kalsuan tu bek ahi hi.

Chairman:
EC taw kisai meeting ah
1. Meeting makaitu
2. Meeting agenda kaikhawm tu

Vice Chairman:
Chairman om ngawl ciang Chairman tang in hong ding tu hi.

Secretary (Thuvanpi)
Pawlpi taw kisai meeting khat papo om tu ciang,
1. Meeting kaa tuteng hongsam tu hi. (Email taw by-name hongsam tu hi)
2. Meeting minutes theampo hong ciamte tu a, action hong latu hi.
3. Pawlpi taw kisai official lai tum, lai pusuak theampo Secretary tungtawn pan hi tu hi.
4. Church Announcement (Meeting Minute …)

Joint Secretary (Thuvanpi ahuu)
Secretary om ngawl ciang Secretary tang in hong ding tu hi.

Treasurer:
1. Pawlpi sumpi theampo citakna taw hong keam cing tu hi.
2.Pawlpi sumpi hunman takin (Weekly, Bi-Weekly, Monthly..etc.,) pawlpi ah hong zasak tu hi.
3.Sunday sim, kikhop manzawk ciang sumpi anuai ateng taw hong sim khawm tu hi. Record
phatak hong vawt tu hi. Anuai a 4 teng ahitheingawl tu aomle Vice Chairman nah
hong van tu hi.
A. Joint Secretary
B. Auditor 1
C. EC Member 1
D. Assistant Treasurer
4. Activities khat, poai khat papo man zawk ciang, amanlang theibel sumzakna, sum
bona, ngana theampo atunga mi 3 teng taw, EC ah hong zasak papai tu hi.

Assistant Treasurer:
Treasurer om ngawl ciang ama tang in hong ding tu hi.

Auditors:
Pawlpi sum tumna, sum zaknate ahunmantakin hong sit tu hi. (Monthly, Quarterly etc.,)

Member 1:
Pawlpi ii biakinn thianthona, pawlpi van nei theampo hong vansiat tu hi.
Youth Coordinator: Youth taw kisai theampo hong van siat tu hi.
Women Coordinator: Women taw kisai theampo hong van siat tu hi.
Church School Coordinator: Church School taw kisai theampo hong van siat tu hi.
Men Coordinator: Men Fellwoship taw kisai theampo hong van siat tu hi.

Coordinator te EC meeting ciang pel ngawl in, hong kaa hamtang tu hi.
Coordinator te EC meeting om sim amate department taw kisai thu le la theampo EC ah
report hong pai pui tu uh hi.

Pawlpi nah poai khat papo (nopna:1. Thanksgiving, 2. Christmas, 3. New Year, 4. Crusade, 5.
Picnic etc., / daana) nei ciang, Pastors, Chairman (s), Secretary (s) te nah, thule late hong
vaihawm khawm vadiam tu uh hi.